Fara í efni

Siðareglur

SIÐAREGLUR

1. gr.

Fræðagarður er stéttarfélag háskólamenntaðra starfsmanna og vill veita öllum
faghópum sem að félaginu standa stuðning í kjarabaráttu með jöfnuð, réttlæti og sanngirni að leiðarljósi.


2. gr.

Félagsmenn Fræðagarðs sinna störfum sínum af kostgæfni í samræmi við þau
gildi sem menntun þeirra leggur þeim á herðar, hvað varðar þekkingarleit og fagleg
vinnubrögð og láta sig varða góða starfshætti á eigin fræðasviði.


3. gr.

Félagsmenn skulu bæði á vettvangi félagsins sem og í opinberri umræðu gæta
þess að fara ekki í manngreinarálit og sýna öðrum virðingu og heiðarleika.


4. gr.

Þeir sem veljast til trúnaðarstarfa á vegum félagsins skulu gæta þess í hvívetna
að láta heildarhagsmuni félagsins standa framar sínum eigin hagsmunum og ber að
upplýsa um hagsmunatengsl fyrirfram, áður en mál kemur til afgreiðslu.


5. gr.

Félagsmenn sem vilja koma á framfæri ábendingu um brot á siðareglum
félagsins senda skriflegt erindi til stjórnar félagsins.


6. gr.

Ef ábending tengist trúnaðar- eða stjórnarmanni skal sá aðili ekki koma að
afgreiðslu máls og stjórn er heimilt að leita sér utanaðkomandi ráðgjafar.


7. gr.

Ábendingar eru afgreiddar af stjórn félagsins.


Samþykkt á aðalfundi 2015