Fara í efni

Stjórnarkjör

Kæru félagsmenn Fræðagarðs,

Aðalfundur Fræðagarðs verður haldinn þann 28. febrúar nk. kl. 16:30.  Stjórn Fræðagarðs skal skipuð sjö fullgildum félagsmönnum, löglega kjörnum í rafrænni kosningu sem ljúka þarf eigi síðar en degi fyrir aðalfund. Reglur félagsins kveða á um að kosið sé sérstaklega um embætti formanns og embætti varaformanns. Hins vegar er kosið sameiginlega um aðra stjórnar- og varastjórnarmeðlimi þar sem fjöldi atkvæða ræður sæti. Nú er kosið um embætti varaformanns, tvö meðstjórnarsæti og tvö varastjórnarsæti og því óskað eftir framboðum í þau sæti.

Kjör varaformanns

Framboð til varaformanns þurfa að hafa borist fyrir miðnætti 20. janúar á tölvupóstfangið fraedagardur@fraedagardur.is.

Rafræn kosning hefst þann 1. febrúar og lýkur kl. 13:00 þann 8. febrúar.

*Athygli er vakin á því að frambjóðendur til varaformanns sem ná ekki kjöri geta einnig boðið sig fram til stjórnarsetu eftir að kosningu lýkur og verður haft samband við þá vegna þess þegar niðurstaða varaformannskjörs liggur fyrir.

 

Kjör stjórnar

Framboð til stjórnar þurfa að hafa borist fyrir miðnætti 10. febrúar á tölvupóstfangið fraedagardur@fraedagardur.is.

Rafræn kosning hefst þann 20. febrúar og lýkur kl.13:00 þann 27. febrúar.

Niðurstöður kosninga verða kynntar á aðalfundi Fræðagarðs þann 28. febrúar.

Viljir þú bjóða fram krafta þína sem varaformaður eða stjórnarmaður í Fræðagarði skalt þú senda tilkynningu á netfangið fraedagardur@fraedagardur.is. Æskilegt er að kynning fylgi með sem inniheldur upplýsingar um stefnumál og æviágrip viðkomandi (200 orð) sem og rafræn ljósmynd sem send verður út í passamyndastærð. Einnig er heimilt að vísa á vefsíðu, samfélagsmiðla eða slóð með kynningarmyndbandi (ekki lengri en 2 mínútur).

Framboð eru svo sett fram á samræmdan hátt til útsendingar og birtingar með tölvupósti og á vefsíðu og fésbókarsíðu Fræðagarðs. Að öðrum kosti vísum við í verklagsreglur kjörstjórnar FRG og framkvæmd rafrænna kosninga FRG sem má nálgast á vefsíðu Fræðagarðs.

Nánari upplýsingar eru veittar í síma 595-5165 og í tölvupósti fraedagardur@fraedagardur.is.

Virðingarfyllst,

Kjörnefnd Fræðagarðs,

Sverrir Gunnlaugsson, formaður kjörnefndar, Anna Sigurborg Ólafsdóttir og Hjalti Einarsson

Verklagsreglur kjörstjórnar Fræðagarðs