Fréttir

Ágætu félagar í Fræðagarði. F.h. stjórnar félagsins sendi ég ykkur hugheilar jóla- og nýárskveðjur! Frá því í september höfum við haldið sjö upplýsinga- og fræðslufundi víða um land. Það hefur verið sérlega ánægjulegt að hitta svo mörg ykkur á þessum fundum og við stefnum að því að halda áfram að bjóða upp á slíkt samtal.

Í framhaldi af endurnýjun kjarasamnings félagsins við ríkið í febrúar s.l. ræddi stjórn félagsins um mikilvægi þess að félagið stæði fyrir kynningu á starfsemi félagsins, kynningu á sjóðum BHM til að auðvelda félagsmönnum að nýta sér þá og ennfremur að heyra sjónarmið félagsmanna í grasrót félagsins varðandi komandi samninga við bæði ríki og sveitarfélög, sem verða lausir í lok mars 2019. Við stefnum að fundi í Borgartúni 6, 4. hæð 28.nóvember kl. 12-14, fundinum verður streymt.

Þriðjudaginn 27. nóvember nk. stendur BHM fyrir opnum morgunfundi um lífeyrismál. Þar verður fjallað um grunnþætti íslenska lífeyriskerfisins, það borið saman við lífeyriskerfi nágrannalandanna og vikið að mögulegri framtíðarþróun kerfisins. Fundurinn verður haldinn á Hótel Reykjavík Natura (áður Hótel Loftleiðir) og er áætlað að hann standi frá kl. 9:00 til 10:30.

Í dag 30. okt. verður haldið námskeið fyrir starfsfólk á einkamarkaði sem ber heitið: Að ráða sig til starfa. Eins og nafnið gefur til kynna er sjónum þátttakenda beint að þeim sjálfum sem starfsmönnum, starfsumhverfi, starfslýsingum, ráðningarsamningum, launakjörum og réttindum.

Í umræðu um kjaramál síðustu vikurnar hefur athyglin beinst að þeim lægst launuðu. Frá hruni hefur það oft verið áherslan. Krónutöluhækkanir hafa orðið niðurstaðan oftar en einu sinni. Það er ekki að ástæðulausu að ófaglærðir starfsmenn með lægstu launin hafi ítrekað bent á bága stöðu sína. En það hafa líka aldraðir einstaklingar, öryrkjar og yngra fólk sem vill eignast húsnæði en getur það ekki þar sem það kemst ekki í gegnum greiðslumat og á því eingöngu um að velja leigumarkað og/eða húsnæði hjá foreldrum.